Sukatan

Hindi katalinuhan

Ang batayan

Para sa maunlad na kinabukasan.

Hindi kulay ng balat,

Ang panukat

Para ipakitang tapat ka sa lahat.

Hindi panlabas na itsura,

Ang obramaestra

Para ihalintulad ka sa iba.

Hindi taas,

Hindi timbang,

Ang sukatan,

Para marating ang hangganan.

Hindi bilis ng paglakad,

O tulin ng pagtakbo

Ang kailangan

Upang gawing batayan.

Huwag gawing sandalan ang walang kasiguraduhan.

Huwag gawing basehan

Ang panlabas na kaanyuan.

At lalong huwag limitahan

Ang lahat nang may kapansanan.